جمعہ کو صبح 4.00 بجے (جی ایم ٹی) سے، یوکے کے سفری قوانین کو مزید آسان کر دیا گیا ہے جس کے مطابق مکمل طور پر ویکسین شدہ مسافروں پر تمام کوویڈ پابندیوں کو ختم کر دیا گیا ہے۔

 اس سے پہلے، جنوری میں برطانیہ میں داخل ہونے کے 48 گھنٹوں کے اندر لیٹرل فلو ٹیسٹ کو ختم کرنے کے بعد سفر کی مانگ میں اضافہ ہوا تھا۔

 ڈیجیٹل ٹریول ایجنسی سکائی سکینر کے اعداد و شمار کے مطابق اس موسم گرما میں برطانیہ سے اقتصادی واپسی کے سفر کے لیے بکنگ جنوری 2022 میں پچھلے مہینے کے مقابلے میں 394 فیصد بڑھی تھی۔ انہوں نے یہ بھی بتایا کہ 2022 کے لیے برطانیہ سے دبئی جانے والی بکنگ جنوری میں کی گئی تھی جو 2020 میں اسی مہینے کے مقابلے میں 49 فیصد زیادہ تھی۔

 موسم گرما کی تعطیلات کے لیے برطانیہ آنے والے لوگوں کی تعداد میں بھی سفری قوانین کی پابندی کی عکاسی ہوتی ہے۔

 سکائی سکینر نے بتایا کہ متحدہ عرب امارات سے آنے والے مسافروں کے لیے جنوری میں برطانیہ میں سب سے زیادہ بکنگ ہوئی تھی۔

 برطانیہ کی نئی سفری پابندیاں کیا ہیں؟

 مکمل طور پر ویکسین شدہ مسافر 

مکمل طور پر ویکسین شدہ مسافروں کو برطانیہ پہنچنے سے پہلے یا بعد میں کسی بھی قسم کا کوویڈ ٹیسٹ کروانے کی ضرورت نہیں ہوگی۔ 

اس کے علاوہ، پہلے کی طرح کسی بھی حالت میں قرنطینہ کی ضرورت نہیں ہے۔ ملک کے سفر سے پہلے صرف ایک مسافر لوکیٹر فارم کو پُر کرنے کی ضرورت ہے۔ 

مکمل ویکسین شدہ شمار ہونے کے لیے، مسافروں کے پاس منظور شدہ ویکسین کی کی مکمل ویکسینیشن کا ثبوت ہونا چاہیے۔ حتمی خوراک برطانیہ پہنچنے سے 14 دن پہلے لی گئی ہونا ضروری ہے۔

 غیر مکمل ویکسین شدہ مسافر

 ان لوگوں کے لیے جو مکمل طور پر ویکسین شدہ نہیں ہیں، ان کے لئے تین آپشن ہیں۔

 منفی کوویڈ ٹیسٹ کا ثبوت دکھایا جانا ضروری ہے۔ یہ ٹیسٹ برطانیہ کے سفر سے دو دن پہلے ہونا چاہیے۔ 

 دوسرا ملک میں پہنچنے پر کوویڈ پی سی آر ٹیسٹ کی بکنگ اور ادائیگی کی ضرورت ہے۔ 

 تیسرا ایک مسافر لوکیٹر فارم بھرنے کی ضرورت ہے۔ 

 ایسے مسافروں کو قرنطینہ کرنے کی کوئی ضرورت نہیں ہے جب تک کہ ان کے پی سی آر ٹیسٹ کا نتیجہ مثبت نہ ہو۔ 

 برطانیہ کے سفری قوانین کیوں بدل رہے ہیں؟

 یوکے اب کوویڈ19 کو ایک سانس کی بیماری کے طور پر دیکھ رہا ہے جبکہ اس کو وبائی بیماری کے طور پر نا دیکھ کر پابندیاں ہٹا رہا ہے۔

اس لئے توقع ہے کہ انگلینڈ میں تمام کوویڈ قوانین فروری کے آخر تک ختم ہو جائیں گے جس کا منصوبہ حکومت نے ایک ماہ قبل بنایا تھا۔ 

برطانیہ کے وزیر اعظم بورس جانسن نے منصوبے کی تبدیلی کا اعلان کرتے ہوئے پارلیمنٹ کو بتایا کہ یہ میرا ارادہ ہے کہ نصف مدتی چھٹی کے بعد پہلے دن واپس آ کر کووِڈ کے ساتھ زندگی گزارنے کے لیے اپنی حکمت عملی پیش کروں۔

بشرطیکہ اعداد و شمار میں موجودہ حوصلہ افزا رجحانات جاری رہیں، یہ میری توقع ہے کہ ہم آخری کوویڈ پابندیوں کو ختم کرنے کے قابل ہو جائیں بشمول اگر آپ کا ٹیسٹ مثبت آتا ہے تو خود کو قرنطینہ کرنے کی بھی ضرورت نا ہو۔

Source: دی نیشنل نیوز

Link: https://www.thenationalnews.com/travel/covid-19-travel/2022/02/11/what-are-the-uk-covid-travel-restrictions/