23 ستمبر 2020: (جنرل رپورٹر) انڈسٹری اینڈ ایڈوانسڈ ٹیکنالوجی کے وزیر ڈاکٹر سلطان بن احمد الجابر نے گزشتہ روز سٹیٹ آف ایڈوانسڈ ٹیکنالوجی کی وزیر سارہ بنت یوسف العمری اور کونسل کے ممبروں کے ساتھ صنعتی رابطہ کونسل کے آن لائن اجلاس کی صدارت کی۔ 

صنعتی رابطہ کونسل، جو سن 2016 میں قائم کیا گیا، کے مینڈیٹ میں متحدہ عرب امارات کے صنعتی شعبے کو فروغ دینے کے لئے قومی حکمت عملی تیار کرنا، اہم کارکردگی کے پوائٹس مرتب کرنا اور ان پر عمل درآمد کرنا، تعاون کو فروغ دینے کے لئے اقدامات کو تجویز کرنا اور سرکاری اداروں کے ساتھ ساتھ نجی شعبے کے مابین بہترین عمل کا اشتراک کرنا شامل ہے۔ کونسل مختلف وفاقی اور مقامی حکومتی اداروں اور صنعتکار یونین سوسائٹی کے ساتھ اس شعبے کے لئے قانون سازی کے لئے تعاون کرے گی۔

اس میٹنگ میں صنعتی شعبے کو بااختیار بنانے اور عالمی سطح پر متحدہ عرب امارات کی مسابقتی پوزیشن کو مستحکم کرنے کے معاملات پر تبادلہ خیال کیا گیا نیز اس کی عالمی درجہ بندی بڑھانے کی کوششوں کا جائزہ لیا گیا۔