متحدہ عرب امارات میں غیر مراعات یافتہ جوڑے جو قدرتی طور پر حاملہ ہونے کی جدوجہد کر رہے ہیں انہیں جدید تشخیصی خدمات اور آئی وی ایف علاج مفت فراہم کیا جائے گا۔ 

 یہ اقدام، جو ایک نئے انسانی طبی اقدام کے تحت سامنے آیا ہے، امارات ریڈ کریسنٹ اتھارٹی اور مبادلہ ہیلتھ کے درمیان ضرورت مند جوڑوں کی مدد کے لیے ایک خیراتی اقدام شروع کرنے کے معاہدے پر دستخط کے بعد کیا گیا ہے۔ 

 اہل جوڑوں کو ہیلتھ پلس فرٹیلیٹی کے نیٹ ورک آف سینٹرز اور یو اے ای میں سیٹلائٹ کلینک تک رسائی حاصل ہوگی، جو بہتر کوریج اور جدید ترین آئی وی ایف خدمات تک رسائی فراہم کرے گی۔ ہیلتھ پلس فرٹیلیٹی مبادلہ ہیلتھ پارٹنر ہے اور یونائیٹڈ ایسٹرن میڈیکل سروسز کا حصہ ہے۔

۔ یہ اقدام ایمریٹس ریڈ کریسنٹ کے کمزور گروپوں اور ضرورت مندوں کی مدد کرنے کے عزم کے مطابق ہے اور ایک رضاکارانہ امدادی تنظیم کے کام کے طور پر جو دوسروں کی مدد کے انسانی مشن پر عمل پیرا ہے۔ 

 یہ مبادلہ ہیلتھ کی کارپوریٹ سماجی ذمہ داری کی حکمت عملی کے ایک حصے کے طور پر ہے تاکہ محدود آمدنی والے جوڑوں کو مالی مدد فراہم کرکے مقامی کمیونٹی کو سپورٹ کیا جائے۔

 ماضی میں، ہیلتھ پلس فرٹیلیٹی نے کئی خیراتی اقدامات شروع کیے ہیں جن میں 2018 میں یو اے ای میں ’دینے کے سال‘ کے موقع پر جوڑوں کو زرخیزی کے علاج فراہم کرنے کے لیے 1.5 ملین درہم کا وعدہ کرنا شامل ہے۔ 

کارپوریشن کے معاہدے پر ہلال احمر کے مقامی امور کے ڈپٹی سیکرٹری جنرل سالم الرئیس العامری اور یو ای میڈیکل کے سی ای او مجد ابو زانت نے دستخط کیے ہیں۔

 ایمریٹس ریڈ کریسنٹ کے سیکرٹری جنرل ڈاکٹر محمد عتیق الفالحی نے بے اولاد جوڑوں کو اس انسانی طبی اقدام سے فائدہ اٹھانے کی اجازت دینے کے اقدام کی اہمیت سے متعلق بتاتے ہوئے کہا کہ ہمیں اس اقدام کو شروع کرنے پر بے حد خوشی ہے جو بے اولاد جوڑوں کے لیے مدد اور ہیلتھ کئیر کے دروازے کھول دے گا جس کی انہیں حاملہ ہونے میں مدد کرنے کی ضرورت ہے۔ محدود آمدنی والے جوڑے، جنہیں اس طرح کے علاج کی ضرورت ہے، ان کو کچھ سرکاری دستاویزات کے ساتھ رجسٹر کرنے اور باضابطہ درخواست جمع کروانے کی ضرورت ہے۔

اہل جوڑوں سے رابطہ کیا جائے گا اور انہیں ابوظہبی یا دبئی میں ہیلتھ پلس فرٹیلیٹی کے مراکز میں سے کسی ایک کا دورہ کرنے کا مشورہ دیا جائے گا۔ ریڈ کریسنٹ اس اقدام کے ذریعے موصول ہونے والے عطیات کی آمدنی سے ان کے علاج کے اخراجات کو پورا کرے گا۔ یہ عطیہ دہندگان اور ضرورت مندوں کے درمیان رابطے کے طور پر ایمریٹس ریڈ کریسنٹ کے کردار کی عکاسی کرتا ہے۔

 انہوں نے مزید کہا ہے کہ مبادلہ ہیلتھ اور ہیلتھ پلس فرٹیلیٹی کو اس انسان دوست اقدام میں اپنے پارٹنر کے طور پر منتخب کرنا لوگوں کو عالمی معیار کے علاج فراہم کرنے کے ہمارے عزم کی نشاندہی کرتا ہے جس کے نتیجے میں مثبت طبی نتائج اور کامیاب حمل ہو سکتے ہیں۔ یہ جوڑوں کی ایک بڑی تعداد تک وسیع تر رسائی بھی فراہم کرتا ہے کیونکہ ہیلتھ پلس فرٹیلیٹی کو خطے کے سب سے بڑے آئی وی ایف نیٹ ورکس میں سے ایک سمجھا جاتا ہے۔ 

 سی ای او مبادلہ ہیلتھ حسن جاسم النویس نے کہا ہے کہ ایک مربوط ہیلتھ کئیر نیٹ ورک کے طور پر، ہم معاشرے کے تمام پہلوؤں پر پڑنے والے اثرات سے پوری طرح آگاہ ہیں اور ہمیں یقین ہے کہ ملک میں بہت سے غیر مراعات یافتہ جوڑوں کے لیے جنہیں تولیدی علاج کی مدد کی ضرورت ہے، یہ ایک خوش آئیند ترقی ثابت ہو گی۔

ہیلتھ پلس فرٹیلیٹی کے نیٹ ورک نے 2010 میں اپنے آغاز کے بعد سے ہزاروں جوڑوں کی دیکھ بھال کی ہے اور ہم اس انسانی اقدام کے تحت ایمریٹس ریڈ کریسنٹ کی طرف سے حوالہ کیے گئے جوڑوں کو دیکھ بھال فراہم کرنے کے منتظر ہیں۔

 یو ای میڈیکل کے سی ای او ماجد ابو زانت نے کہا ہے کہ ہم ایک ساتھ مل کر زیادہ سے زیادہ جوڑوں کی مدد کرنے کی امید کرتے ہیں جو معاون تولیدی علاج کے متحمل نہیں ہیں اور جو بانجھ پن کے مسائل کا شکار ہیں یا اپنے بچوں کو موروثی بیماریاں منتقل کرنے کا خطرہ رکھتے ہیں۔ ہر جوڑے کو ریڈ کریسنٹ کے تحت حوالہ دیا گیا ہے۔ اس مہم کا ہمارے آئی وی ایف ماہرین احتیاط سے جائزہ لیں گے تاکہ بہترین ممکنہ طبی نتائج حاصل کرنے کے لیے موزوں ترین علاج کے منصوبے کا تعین کیا جا سکے۔

یہ اقدام موروثی بیماریوں میں مبتلا جوڑوں کا بھی احاطہ کرتا ہے۔ انہوں نے وضاحت کی کہ پسماندہ جوڑے جو اپنے بچے کو موروثی بیماری منتقل کرنے سے ڈرتے ہیں، یا جن کا بچہ کسی مخصوص جینیاتی عارضے میں مبتلا ہے، وہ بھی اس اقدام کے لیے درخواست دے سکتے ہیں۔ 

ان جوڑوں کے لیے، امپلانٹیشن سے پہلے کی جینیاتی ٹیسٹنگ کی جائے گی تاکہ یہ یقینی بنایا جا سکے کہ ہم ایک صحت مند جنین کو منتقل کر سکتے ہیں۔ یہ ہماری سہولیات میں ایک عام علاج ہے جو اللہ کی مرضی اور ماہرین کی ہماری کثیر الشعبہ ٹیم کی مسلسل کوششوں اور جدید جینیاتی ٹیسٹنگ کی صلاحیتوں سے ممکن ہوا ہے۔

 ہر مستحق جوڑے کو ریڈ کریسنٹ کے ذریعے اعلان کردہ کمیونیکیشن چینلز کے ذریعے درخواست جمع کرانی چاہیے۔ اہل جوڑوں کو کیس کا جائزہ لینے کے لیے ایک خصوصی کمیٹی کے پاس بھیجا جائے گا اور پھر یہ جوڑا ہیلتھ پلس کے قربیی آئی وی ایف معالجین میں سے کسی ایک کے پاس جائے گا۔

Source: خلیج ٹائمز

Link: 

https://www.khaleejtimes.com/health/uae-to-provide-free-ivf-treatments-to-needy-couples-struggling-to-conceive