EN
AR
عالمی ادارہ صحت کے مطابق یورپی ممالک میں بڑے پیمانے پر منشیات کے خلاف مزاحمت شگیلا سوننی کے غیر معمولی طور پر زیادہ تعداد میں کیسز ریکارڈ ہونے کے بعد محکمہ صحت - ابوظہبی اور ابوظہبی پبلک ہیلتھ سینٹر نے حال ہی میں ایک سرکلر جاری کیا ہے
ڈبلیو ایچ او نے 24 مارچ کو اپنے نوٹیفکیشن میں کہا کہ برطانیہ اور شمالی آئرلینڈ اور ڈبلیو ایچ او یورپی ریجن کے کئی دیگر ممالک میں 2021 کے آخر سے کیسز رپورٹ ہوئے ہیں۔
ڈبلیو ایچ او نے اس بات کی نشاندہی کی کہ ملٹی ڈرگ ریزسٹنٹ انفیکشن کو "عوامی صحت کی تشویش" کے طور پر دیکھا جا رہا ہے۔
عالمی اداری صحت نے کہا ہے کہ اگرچہ ایس ڈاٹ سونیی کے ساتھ زیادہ تر انفیکشن کے نتیجے میں بیماری کی ایک مختصر مدت اور کم کیسز کی موت ہوتی ہے لیکن ملٹی ڈرگ ریزسٹنٹ (ایم ڈی آر) اور ایکس ڈی آر شگیلا سوننی صحت عامہ کے لیے تشویش کا باعث ہے کیونکہ اعتدال سے سنگین صورتوں کے لیے علاج کے اختیارات بہت محدود ہیں۔
'زیادہ چوکس رہیں'
ابوظہبی میں ہیلتھ کئیر ورکرز کو جاری اپنے سرکلر میں، حکام نے کہا ہے کہ محدود معلومات کی بنیاد پر، یورپ سے بیماری کے پھیلنے کا امکان زیادہ ہے۔
تمام ہیلتھ کئیر ہروفیشنلز کو کسی بھی مشتبہ یا تصدیق شدہ ایم ڈی آر یا ایکس ڈی آر شگیلا سوننی انفیکشن کے انتظام کے بارے میں زیادہ چوکس رہنا چاہیے اور انھیں انفیکشن کے خطرے میں پڑنے والے لوگوں اور زیادہ خطرے والے علاقوں میں جانے والے مسافروں پر توجہ دینی چاہیے۔
شگیلا منہ کے راستے سے براہ راست یا بالواسطہ رابطے، متاثرہ شخص کے ساتھ جنسی تعلق، متاثرہ شخص کے ساتھ پاخانے کی طرف سے براہ راست رابطہ یا بالواسطہ رابطہ جیسے مکھیوں، فومائٹس، آلودہ خوراک یا پانی کے استعمال سے پھیل سکتا ہے۔ اسیمپٹومیٹک کیریئرز بھی بیماری کو منتقل کر سکتے ہیں۔
ہیلتھ کئیر ورکرز پر زور دیا گیا ہے کہ وہ انفیکشن کے کسی بھی مشتبہ یا تصدیق شدہ کیس کی اطلاع شعبہ صحت ابوظہبی یا ابوظہبی پبلک ہیلتھ سینٹر کو دیں۔
عام علامات
ڈبلیو ایچ او کے مطابق، شیجیلوسس ایک معدے کا انفیکشن ہے جو شیگیلا بیکٹیریا کی چار اقسام میں سے ایک کی وجہ سے ہوتا ہے، بشمول ایس سوننی۔ یہ ایک بہت ہی کم متعدی خوراک کے ساتھ ایک زہریلا پیتھوجین ہے جس کا مطلب ہے کہ بیکٹیریا کی صرف ایک چھوٹی سی تعداد، تقریباً 10 سے 100 جاندار، بیماری پیدا کرنے کے لیے کافی ہیں۔ انسان ہی واحد معروف ذخائر ہیں اور خونی اسہال کے بعد ہفتوں تک پاخانہ میں بیکٹیریا خارج کر سکتے ہیں۔
ماہر داخلی ادویات، میڈور ہسپتال، ابوظہبی، ڈاکٹر کمارسوامی نے کہا ہے کہ اسہال، بخار اور پیٹ میں درد عام علامات ہیں جو ایک متاثرہ شخص میں نظر آتے ہیں۔
انہوں نے بتایا کہ اس بیماری کی سب سے عام علامات پانی یا خونی اسہال، پیٹ میں درد ، بخار، متلی، قے، بھوک میں کمی، سر درد اور تکلیف ہیں۔
'اچھی حفظان صحت کو برقرار رکھیں'
شیجیلوسس زیادہ تر کم یا درمیانی آمدنی والے ممالک میں پائی جاتی ہے اور دنیا بھر میں خونی اسہال کی ایک بڑی وجہ ہے۔ ہر سال، اس سے خونی اسہال کے کم از کم 80 ملین کیسز اور 700,000 اموات کا تخمینہ لگایا جاتا ہے۔
ڈاکٹر کمارسوامی نے عوام پر زور دیا کہ وہ اپنی حفاظت کے لیے ذاتی حفظان صحت کے اچھے اقدامات پر عمل کریں۔
لوگ اپنے ہاتھ اکثر صابن سے دھوئیں۔ ڈاکٹر کمارسوامی نے مزید کہا کہ انفیکشن سے محفوظ رہنے کے لیے دیگر حفظان صحت کے اقدامات کے ساتھ کھانے کی مناسب ہینڈلنگ ضروری ہے۔