30 ستمبر 2020: (جنرل رپورٹر) کوویڈ19 اقتصادی اور صحت کی دیکھ بھال کے محاذوں پر کھڑے ممالک کے لئے ایک بہت بڑا چیلنج تھا۔ بہت سارے ممالک نے اپنی انتھک کوششوں کے ساتھ پھیلتے ہوئےکورونا وائرس کے انفیکشن پر قابو پانے میں کامیاب رہے ہیں۔ لیکن متحدہ عرب امارات قابل تحسین قیادت ، تنظیموں اور ماہرین کی کوششوں اور امارات کے عوام کی جانب سے احتیاطی اقدامات کی مخلصانہ پیروی کی وجہ سے کوویڈ19 کے پھیلتے ہوئے انفیکشن پر قابو پانے میں کافی حد تک کامیاب رہا ہے۔ سائنسدان اب کورونا وائرس کی دوسری لہر کی پیش گوئی کر رہے ہیں۔ دوسری لہر ، چاہے وہ آئے یا نہیں یا جب بھی آئے گی ، متحدہ عرب امارات اس کے لئے بھرپور تیاری کر رہا ہے اور یہ کہنا گلط نا ہو گا کہ امارات اپنی قیادت کی بدولت اس لہر کا مقابلہ کرنے کے لئے تیار ہے۔

کورونا وائرس کی دوسری لہر کیا ہے؟

کورونا وائرس کی دوسری لہر کے وجود مطلب یہ ہے کہ عموما وبائی امراض ختم ہونے سے پہلے متعدد لہروں کے ساتھ ظاہر ہوتے ہیں۔ کورونا وائرس کی دوسری لہر اتنی واضح نہیں ہے۔ دوسری لہر وہ مرحلہ ہوتا ہے جب ایسا لگتا ہے کہ کیسز کی تعداد قابو میں ہے ، لیکن پھر مثبت کیسز کی ایک نئی لہر آبادی کے ایک مختلف گروہ یا کسی نئے خطے میں آتی ہے۔ تو ، کیا واقعی میں کورونا وائرس کی دوسری لہر آ رہی ہے؟ حالیہ تعداد سے پتہ چلتا ہے کہ کورونا وائرس پورے زور اور انتقام کے ساتھ واپس آرہا ہے۔ یہ بھی یاد رہے کہ وبائی مرض کی دوسری لہر خاص طور پر معاشی طور پر پہلے سے کہیں زیادہ خوفناک ہوتی ہے۔

متحدہ عرب امارات اور اس کا مضبوط ہیلتھ کئیر سسٹم

 متحدہ عرب امارات کے صحت کی دیکھ بھال کے نظام نے کوویڈ19 کے مختلف اوقات اور عالمی بحران کے دوران اپنی طاقت کو ثابت کیا ہے اور یہ کمیونٹی کے لوگوں کی توقعات پر پورا اترا ہے۔ امارات میں صحت کی دیکھ بھال کے ڈھانچے نے قیادت کے طے کردہ معیارات کے مطابق کام کیا۔ متحدہ عرب امارات نے کوویڈ19 کے آغاز کے بعد سے ہی کورونا وائرس کے خلاف جنگ میں ہیلتھ کیئر سسٹم کے اعادہ ماڈل فراہم کیے ہیں۔ امارات نے عالمی ادارہ صحت کے رہنما اصولوں، جیسے سماجی فاصلہ اور ہاتھ دھونا، کی بنیاد پر تمام احتیاطی تدابیر پر عمل کیا ہے۔ یہ اقدامات انفیکشن کے پھیلاؤ کو کنٹرول کرنے میں کارگر ثابت ہوئے ہیں۔ مزید برآں ، وسیع پیمانے پر جانچ اور انفیکسشن کیسز کا پتہ لگانے سے بھی معاملات کو قابو کرنے میں مدد ملی ہے۔ متحدہ عرب امارات میں ہسپتالوں اور صحت کی سہولیات کورونا وائرس کی تمام احتیاطی تدابیر پر عمل پیرا ہیں۔ فیلڈ اسپتالوں کا قیام اور کوویڈ19 کے مریضوں کے لئے خصوصی وارڈز اہم اقدامات ہیں۔ حال ہی میں متحدہ عرب امارات کی وزارت داخلہ نے کوویڈ19 کے مثبت کیسز کو تیزی سے جانچنے کے لئے سنففر کتوں کو بھی لانچ کیا ہے جو مثبت کیسز کا پتہ بغلوں کے پسینے کے نمونوں کے ذریعہ چند سیکندز مین پتہ لگا لیتے ہیں۔ یہ انقلابی تکنیک خاص طور پر ائیرپورٹس پر کارآمد ہے جہاں ایک ہی وقت میں بڑے مجمع کا کورونا چیک کرنا پڑتا ہے۔ قومی نسبندی پروگرام بھی قیادت کا ایک اور کامیاب اقدام تھا۔ وزارت صحت اور کمیونٹی پروٹیکشن کے تحت لیبارٹریوں کا نیٹ ورک بین الاقوامی معیار کے مطابق ہے جو کہ آئی ایس او 15189 ہے۔ ابو ظہبی اسٹیم سیلز سنٹر یو اے ای سی ایل 19 پر بھی کام کر رہا ہے جو کویڈ19 کے علاج میں ایک پیش رفت ہے۔ مزید یہ کہ کوویڈ19 ویکسین ٹرائلز کے سلسلے میں امارات اپنے کام میں آگے بڑھ رہا ہے۔ اس سلسلے میں کوویڈ19 ویکسین کے لئے فیز 3 ٹرائلز جاری ہیں۔ متحدہ عرب امارات کے صحت کی دیکھ بھال کے نظام کی مضبوطی دو بنیادی ستونوں میں ہے - ایک یہاں کے لوگوں کا احتیاطی تدابیر پر عمل درآمد کرنا دوسرا امارات کی دانشمند قیادت۔

 امارات کی کورونا وائرس کی دوسری لہر سے نمٹنے کی تیاری

جب سے کوویڈ19 کا آغاز ہوا ، امارات مستقبل میں اس طرح کے بحران سے نمٹنے کے لئے ایک محفوظ گراؤنڈ بنانے پر کام کر رہا ہے۔ وزرات نے کسی بھی غیر متوقع خوراک کی قلت کے لئے خوراک کی فراہمی کو محفوظ بنانے کی تیاری کرلی ہے۔ متحدہ عرب امارات پانی کی ری سائیکلنگ اور انڈور فارموں میں متعدد سطح پر فصلوں کو اگانے کے ذریعہ خود خوراک اور ماہی گیری کی کاشت پر کام کر رہا ہے۔ ٹیلی میڈیسن کو بھی یو اے ای نے وسیع پیمانے پر ٹیکنالوجی کی مدد سے ایپلی کیشنز کے ذریعہ اپنایا ہے۔ اس ماڈل نے طبی دفاتر میں انتظار کے وقت کو کم کردیا ہے اور آنے والے مریضوں کی تعداد میں بھی کمی واقع ہوئی ہے۔ اس سے کوویڈ19 کے مثبت کیسز کی بہتر تیاری کے لئے ملک میں صحت کے نظام کو تیز کردیا گیا ہے۔ کووید19 کے تناظر میں حکومت کی طرف سے ایک قومی تعلیمی پلیٹ فارم لانچ کیا گیا ہے جس میں کوویڈ19 سے متعلقہ انفارمیشن موجود ہے جس کا سلوگن "آپ کی صحت ہم سب کا فرض ہے" ہے۔ یہ پلیٹ فارم شہریوں اور رہائشیوں کو اپڈیٹ رکھتا ہے اور جو مناسب معلومات اور احتیاطی تدابیر اختیار کی جانی چاہیے ان سے آگاہ رکھتا ہے۔ نیشنل کرائسز اینڈ ڈیزاسٹرس مینجمنٹ اتھارٹی کے ذریعہ شروع کیا گیا ویکیہ پروگرام ، ایک آن لائن ٹول ہے جس کا مقصد امارات کے لوگوں کی صحت و بہبود کو ترجیح دینا ہے۔ یہ پلیٹ فارم کوویڈ19 کے حوالے سے عوام میں صحت عامہ اور احتیاطی تدابیر کے بارے میں شعور اجاگر کرنے میں معاون ہے اور شہریوں اور رہائشیوں کو روزانہ کی بنیاد پر ملک میں ہونے والی نئی پیشرفتوں سے اپڈیٹ رکھتا ہے۔ آن لائن پلیٹ فارم کو کسی بھی سوال کے لئے حکام سے رابطہ کرنے کے لئے بھی استعمال کیا جاسکتا ہے۔ اس پلیٹ فارم کے زریعے کوویڈ19 کے متعلق لوگوں کو طبی مشورے بھی فراہم کیے جاتے ہیں۔

کورونا وائرس کی دوسری لہر کے دوران مکینوں اور شہریوں کا کردار

 کوئی بھی ملک صحت کی دیکھ بھال کے بحران سے کامیابی کے ساتھ تب نمٹ سکتا ہے جب قیادت دانشور ہو اور وہ رہنمائی کرسکے نیز عوام اپنی ذمہ داری سے بخوبی آگاہ ہو اور احتیاطی تدابیر پر صحیح طریقے سے عمل کریں۔ ایسا ہمیشہ نہیں ہوتا کہ دوسرا موقع دیا جائے لیکن جب ایسا ہوتا ہے تو اس بات کو یقینی بنانا لازمی ہے کہ پرانی غلطیوں کو دہرایا نا جائے۔ عقلمند وہ ہوتا ہے جو پہلے والی غلطی دوبارہ نا دہرائے۔ اماراتی قیادت نے امارات کی عوام سے اپیل کی ہے کہ وہ کوویڈ19 کے پھیلاؤ کو روکنے کے لئے تمام احتیاطی اقدامات پر عمل کرتے رہیں۔ لوگوں سے درخواست کی گئی ہے کہ وہ سماجی فاصلے کو برقرار رکھیں ، بار بار ہاتھ دھوئیں ، ماسک پہنیں اور اپنے ہاتھوں کو صاف رکھیں۔ انہوں نےصحت مند کھانا کھانے اور صحت کی عادات پر عمل کرنے کا بھی مشورہ دیا جاتا ہے۔ اگرچہ عوامی مقامات کو آہستہ آہستہ دوبارہ کھول دیا گیا ہے اور مالز اور مالیاتی مراکز نے اپنی سرگرمیاں دوبارہ شروع کردیں ہیں لیکن عوام سے تاکید کی گئی ہے کہ وہ لازمی ہدایات اور ایس او پیز پر عمل کرتے رہیں۔ انہوں نے کہا کہ کمیونٹیز اور مختلف تنظیموں کی باہمی تعاون سے کی جانے والی کاوشیں دوسری لہر کے ساتھ کامیابی سےنمٹ سکتی ہیں ۔ حفاظتی اقدامات او ر عوام میں شعور کی بیداری سے ہی کوویڈ19 کی دوسری لہر کو بڑھنے سے روکا جا سکتا ہے۔ یہی وجہ ہے کہ وقایا لوگوں میں اس متعلق آگاہی پھیلا رہا ہے اور بالآخر اس لہر سے بچنے کے لئے ، دوسری لہر سے متعلق آگاہی مہم کا آغاز کر رہا ہے۔ 

# لہرـکوـروکو#لہرـکوـتوڑو