27 ستمبر 2020: (جنرل رپورٹر) مختلف اسکالرز کی جانب سے توقع ظاہر کی جا رہی ہے کہ سال 2021 کورونا وائرس کے خاتمے کا سال ہو گا جس سے امارات دبئی میں ریل اسٹیٹ سیکٹر پر فروخت ، رسد ، طلب ، کرایے اور دوسرے معاملات میں مثبت اثرات مرتب ہوں گے۔ 

 ایک بار جب وبا ختم ہوجائے گی تو یہ ظاہر ہوتا ہے کہ متحدہ عرب امارات کے معاشی استحکام کے علاوہ ، مارکیٹ میں ریل اسٹیٹ سپلائی کی فراہمی اور طلب کی ریشو کو متوازن کیا جاسکتا ہے۔ کورونا وباء کے خاتمے سے افراد اور کمپنیوں کو زیادہ سرمایہ کاری کی طلب کی حوصلہ افزائی ملے گی۔

دبئی میں کورونا وائرس کی وجہ سے اس وقت ریل اسٹیٹ کی قیمتیں خریدنے کے لئے انتہائی پرکشش سطح پرپہنچ رہی ہیں لیکن کورونا کے خاتمے کے ساتھ ہی ، اگلے سال کے دوران قیمتوں میں ایک بار اچھا خاصا اضافہ دیکھنے کو ملے گا۔ یہ شعبہ اس وقت سرمایہ کاری کے سنہری مواقع سے بھرا ہوا ہے اور موجودہ وقت میں قیمت کے اعتبار سے اس میں سرمایہ کاری کرنے کا ایک بہترین موقع ہے۔