متحدہ عرب امارات کے رہائشی کچھ گھنٹے یا دن تک تعبیر مراکز سے گھریلو ملازمین کی خدمات حاصل نہیں کرسکیں گے۔ 

وزارت انسانی وسائل و امارتائزیشن (ایم او ایچ آر ای) نے کوویڈ19 کے پھیلاؤ کے خلاف احتیاطی اقدام کے طور پر قلیل مدتی بھرتیوں کو معطل کردیا ہے۔ کارکنوں کی اب کم سے کم سات دن کی خدمات حاصل کی جاسکتی ہیں۔ وزارت نے کہا ہے کہ اس مدت کے دوران انہیں تبدیل کرنے یا منتقل کرنے کی اجازت نہیں ہے۔ مزید یہ کہ کارکن تعینات ہونے سے پہلے کوویڈ پی سی آر ٹیسٹ کروائیں گے۔

 اس سے قبل یہ اعلان کیا گیا تھا کہ متحدہ عرب امارات کے رہائشی مارچ سے صرف تدبیر مراکز سے گھریلو مددگار رکھ سکتے ہیں۔ ایسا اس لئے ہوا کیونکہ حکومت گھریلو ملازمین کے لئے تمام نجی بھرتی کرنے والی ایجنسیوں کو بند کر رہی ہے۔ تدبیر مراکز نے گھریلو مددگاروں کی بھرتی کے لئے ایجنسیوں کی جگہ لے لی ہے۔ وزارت کے ذریعہ تدبیر بھرتی مراکز تین سال قبل قائم کیے گئے تھے اور اب متحدہ عرب امارات میں ان کی تعداد 54 ہے۔