دبئی کرائس 

دبئی سپریم کمیٹی آف کرائسس اینڈ ڈیزاسٹر مینجمنٹ نے ملک کے شہریوں اور رہائشیوں کو بیرون ملک سفر سے قبل مکمل طور پر ویکسین وصولی کی ترغیب دی ہے۔ ایچ ایچ شیخ منصور بن محمد بن راشد المکتوم نے آج کمیٹی کے اجلاس کی صدارت کی جس میں کوویڈ-19 کے پھیلاؤ کو روکنے کے لئے نافذ کئے جانے والے احتیاطی اقدامات کا جائزہ لیا گیا، اس صورتحال کے پیش نظر کہ کوویڈ-19 کی نئی اقسام انفیکشن کے خطرات کو بڑھا رہی ہیں۔

چھٹیوں کا موسم قریب آنے کے ساتھ ہی کمیٹی نے بیرون ملک سفر کرنے کی منصوبہ بندی کرنے والے شہریوں اور رہائشیوں پر زور دیا کہ وہ ویکسین کی دوسری خوراک حاصل کرنے کے صرف 14 دن بعد اپنے بیرون ملک سفر کا آغاز کریں جس سے جسم کو اپنی مدافعتی نظام کو زیادہ سے زیادہ بہتر کرنے کے لئے کافی وقت مل جاتا ہے۔

کمیٹی نے مسافروں کو مشورہ دیا کہ وہ بیرون ملک سفر کرتے وقت انتہائی احتیاط برتیں اور ان مقامات کا دورہ کرنے سے گریز کریں جہاں کوویڈ-19 کی شدید وباء پھیل رہی ہے۔ کمیٹی نے مسافروں کو یہ بھی مشورہ دیا کہ وہ انفیکشن کے خطرات سے بچنے کے لئے اپنے منزل ممالک کے احتیاطی پروٹوکول کو اچھی طرح سمجھیں اور ان کی مکمل پاسداری کریں۔ اس نے زور دے کر کہا کہ سفر کے دوران عوامی مقامات پر وقت گزارتے ہوئے سماجی فاصلہ قائم رکھیں اور ماسک پہنیں تاکہ انفیکشن کے خطرات کم سے کم ہوں۔ کمیٹی نے مزید کہا کہ انفیکشن کے کم سے کم ممکنہ خطرے کو یقینی بنانے کے لئے بھیڑ والے علاقوں سے پرہیز کرنا بھی بہت ضروری ہے۔

اماراتی نیوز ایجنسی (ڈبلیو اے ایم)