متحدہ عرب امارات کے قومی کیریئر ایمریٹس ایئر لائنز اور اتحاد ایئرویز کے مطابق بھارت میں کووی شیلڈ ویکسین حاصل کرنے والے پھنسے ہوئے متحدہ عرب امارات کے رہائشی فی الحال واپس نہیں آ سکیں گے۔

مزید یہ کہ متحدہ عرب امارات میں ویکسین لگوانے والوں کو ہی فی الحال واپس پرواز کرنے کی اجازت ہوگی۔ یہی شرائط ان افراد پر بھی لاگو ہوتی ہیں جنہوں نے پاکستان اور سری لنکا میں سینوفارم، استرازینکا، ماڈرنا، اسپوٹنک وی اور فائزر بیونٹیک ویکسین وصول کی ہے۔

متحدہ عرب امارات کے حکام نے گذشتہ ہفتے چھ ممالک کے مسافروں کے لئے نئی چھوٹ کا اعلان کیا تھا جہاں سے پروازیں معطل کردی گئی تھیں۔ تاہم بعد ازاں دبئی میں قائم ایئر لائن ایمریٹس نے اعلان کیا کہ نائجیریا آنے اور جانے والی پروازوں کی معطلی میں کم از کم 15 اگست تک توسیع کردی گئی ہے۔

متحدہ عرب امارات کے صرف مکمل ویکسینیٹڈ رہائشیوں کو متحدہ عرب امارات میں داخل ہونے کی اجازت ہوگی۔ مسافر کے پاس اس بات کا ثبوت ہونا چاہئے کہ اس نے متحدہ عرب امارات کے اندر کوویڈ-19 ویکسین کی دونوں خوراکیں سفر سے 14 دن پہلے حاصل کی تھیں۔ اس کے علاوہ متحدہ عرب امارات میں پرواز کرنے والے مسافروں کو فیڈرل اتھارٹی فار آئیڈینٹٹی اینڈ سٹیزن شپ (آئی سی اے) سے منظوری کے لئے درخواست دینا ضروری ہے۔ تاہم دبئی جانے والے مسافروں کے لئے جنرل ڈائریکٹوریٹ آف ریزیڈنسی اینڈ فارنرز افیئرز (جی ڈی آر ایف اے) سے منظوری حاصل کرنے کی ضرورت ہوگی۔

خلیج ٹائمز (Khaleej Times)