ابوظہبی کے نجی اسکولوں میں کل 38,329 اساتذہ، انتظامی عملے اور دیگر ورکرز کو کووِڈ19 ویکسین لگوا لی ہے جو کہ تعلیمی ریگولیٹرز کے مطابق، اسکول ورکرز کی کل تعداد کا 95 فیصد ہے۔ 

 ابوظہبی ڈیپارٹمنٹ آف ایجوکیشن اینڈ نالج (اڈیک) کے جاری کردہ اعدادوشمار کے مطابق ابوظہبی کے زیادہ تر پرائیویٹ اور چارٹر اسکولوں میں 50 فیصد سے بھی کم طلباء کو ویکسین لگائی گئی ہے اور وہ اب بھی بلیو اسکولوں کی "اورینج کیٹیگری" میں ہیں۔ 

اڈیک نے اس ماہ کے شروع میں کہا تھا کہ اس نے اپنے بلیو اسکولز انیشی ایٹو کے نفاذ کو آگے بڑھایا ہے جس کے بعد کوویڈ19 ویکسینیشن میں اضافہ ہوا ہے تاکہ تعلیمی سال 2021/22 کے آغاز سے امارات کے نجی اور چارٹر اسکولوں میں جانے والے طلباء کی تعداد 37 فیصد تک پہنچ جائے۔ 

 نومبر کے آغاز میں، حکام نے بتایا کہ 16 سال سے زائد عمر کے 93 فیصد طلباء، 12 سے 15 سال کی عمر کے 68 فیصد، اور 12 سال سے کم عمر کے 21 فیصد کو کوویڈ19 کے خلاف ویکسین دی جا چکی ہے۔

 بلیو سکولز انیشی ایٹو ویکسینیشن کو بحالی کے کلیدی کردار کے طور پر تسلیم کرتا ہے اور طلباء کے اس بقیہ گروپ کی ویکسینیشن کی حوصلہ افزائی کرتا ہے تا کہ کوویڈ19 کے خلاف تحفظ میں اضافہ ہو اور ممکنہ انفیکشن کے اثرات کم ہوں۔

 ایجوکیشن ریگولیٹرز نے اعلان کیا تھا کہ اسکولوں کی طلباء کی ویکسینیشن کی شرحوں کی بنیاد پر درجہ بندی کی جائے گی۔ جن اسکولوں میں زیادہ طلباء ویکسین شدہ ہوں گے وہاں بتدریج اقدامات میں نرمی ہو گی جس میں سماجی فاصلہ میں کمی، ماسک پہننے کے پروٹوکول میں نرمی، کلاس روم اور اسکول کی نقل و حمل کی صلاحیت میں اضافہ، اور غیر نصابی سرگرمیوں میں واپسی اور فیلڈ ٹرپ شامل ہے۔

 چار درجات یہ ہیں: 50 فیصد طالب علموں سے ویکسین والے اسکولوں کے لیے 'اورینج'، 50-60 فیصد ویکسین شدہ طالب علموں والے اسکولوں کے لیے 'پیلا'، 65-84 فیصد ویکسین شدہ طالب علموں والے اسکولوں کے لیے 'سبز' اور 85 فیصد اور اس سے اوپر کے ویکسین شدہ طالب علموں والے اسکولوں کو 'بلیو' کا درجہ دیا جائے گا۔

سرکاری پروٹوکول کے مطابق، 16 سال سے کم عمر کے طالب علموں کی ویکسینیشن رضاکارانہ ہے۔ بلیو سکولز انیشیٹو کا مقصد تمام طلباء کو کوویڈ19 کے خلاف تحفظ کو بڑھانے اور ممکنہ انفیکشن کے اثرات کو کم کرنے کے لیے ویکسینیشن کی ترغیب دینا ہے۔

 ابوظہبی کے پرائیویٹ اسکول انتھک محنت کر رہے ہیں اور طلباء اور ان کے والدین کو ویکسینیشن کی اہمیت اور بلیو اسکولز کے اقدام کے نفاذ کے بعد معمول پر آنے کے لیے بات کر رہے ہیں۔

ابوظہبی میں جیمز انڈین اسکول کے سی ای او اور پرنسپل جارج میتھیو نے بتایا ہے کہ ان کی ٹیم اپنے طالب علموں کو ویکسین لگوانے کی خواہشمند ہے تاکہ 'نیلے' درجے میں رہیں۔ 

انہوں نے کہا کہ ہم اپنے والدین کو ویکسین کی اہمیت بتا رہے ہیں اور اس سے بچوں کی ویکسینیشن میں روز بروز اضافہ ہو رہا ہے۔