"محفوظ زچگی اور نوزائیدہ بچوں کی دیکھ بھال" کے موضوع کے تحت ، وزارت صحت و روک تھام (ایم او ایچ اے پی) مریضوں کی حفاظت کا عالمی دن منا رہی ہے جو کہ ہر سال 17 ستمبر کو منایا جاتا ہے۔ 

اس موقع پر دبئی فریم 18:00 بجے سنتری رنگ میں روشن ہوگا۔ 

اس سال کے موضوع کا مقصد زچگی اور نوزائیدہ بچوں کی سلامتی بالخصوص بچے کی پیدائش کے دوران ہونے والے مسائل پر عالمی بیداری کو فروغ دینا ہے۔ اس کا مقصد محفوظ اور باعزت طریقے سے بچے کی پیدائش کو یقینی بنانے کے لیے پائیدار اقدامات کرنا ہے جس میں بچے کی پیدائش کے دوران ادویات اور طبی آلات کو محفوظ طریقے سے استعمال کرنااور، طبی عملہ کی مدد کرنا شامل ہے۔ 

پبلک ہیلتھ سیکٹر کے اسسٹنٹ انڈر سیکٹری ڈاکٹر حسین عبد الرحمن الرند نے کہا ہے کہ موہاپ کے کثیر الشعبہاتی منصوبے اور اقدامات قابل طبی پروفیشنلز کی فراہمی کے زریعے بچے کی پیدائش کے دوران ماؤں اور نوزائیدہ بچوں کی حفاظت کے بارے میں شعور کو بڑھانے کے لیے خصوصی توجہ دیتے ہیں۔

 انہوں نے مزید کہا کہ وزارت تمام شراکت داروں کے ساتھ مل کر جامع صحت اور کمیونٹی پروگراموں کو اپنانے کے لیے کام کر رہی ہے جس کا مقصد بیماریوں کو روکنے اور صحت کی دیکھ بھال کو بڑھانے کے لیے جامع اور جدید صحت کی سہولیات فراہم کرنا ہے۔ 

زچگی اور بچپن کے شعبہ کے سربراہ عصمت القاسم نے کہا ہے کہ وزارت نے زچگی اور بچپن کے محکمہ صحت کے لیے الیکٹرانک کلینک قائم کیے ہیں جو کہ کوویڈ19 پر قابو پانے کے لیے کیے گئے احتیاطی اقدامات کے مطابق ہیں۔

 حمل سے پہلے، حمل کے چوتھے مہینے کے دوران اور زچگی کی صحت کے لیے مخصوص پروگرام ہیں جبکہ اس کے علاوہ عوامی صحت، بچے کی صحت، غذا، امراض اور ویکسینیشن سے متعلق بھی ماؤں کے لئے تعلیمی پروگرام منعقد کئے جاتے ہیں۔

 اس نے بتایا کہ خصوصی ہیلتھ سروسز میں پہلے ہفتے ماں اور اس کے بچے کا آنلائن وزٹ کیا جاتا ہےاور اگر ضرورت ہو تو میڈیکل ڈسٹرکٹ کے مطابق ہسپتال یا ہیلتھ سینٹر میں بھی جایا جاتا ہے۔

سوائے دو ماہ کی عمر اور نئی ویکسینیشن کی صورت میں، ہر عمر کے لیے ویکسینیشن وزٹ بھی ہوتے ہیں جہاں الیکٹرانک کلینک کے ذریعے بچے کی حالت کا جائزہ لیا جاتا ہے اور دوسرے دن ویکسینیشن ڈرائیو کے ذریعے ویکسینیشن سروس فراہم کی جاتی ہے۔