وزارت کمیونٹی ڈویلپمنٹ کے سرکاری ترجمان ناصر الزابی نے کہا ہے کہ ایک سروے کے ابتدائی نتائج سے پتہ چلا ہے کہ اگست 2021 میں کمیونٹی میمبرز میں کورونا وائرس سے صحتیابی اور معمولات زندگی معمول پر آنے سے متعلق اعتماد میں 94 فیصد اور متحدہ عرب امارات کے انسداد کوویڈ19 اقدامات سے متعلق اعتماد میں 95 فیصد اضافہ ہوا ہے۔ 

متحدہ عرب امارات کی حکومت کی کوویڈ19 سے متعلق تازہ ترین میڈیا بریفنگ کے دوران سرکاری ترجمان ناصر الزابی نے بتایا کہ متحدہ عرب امارات نے کورونا کے حوالے سے موثر حفاظتی اقدامات پر عمل درآمد کر کے اپنی کامیابی کو ثابت کیا ہے۔ تمام سرکاری حکام نے امارات کو کورونا وبا دے نکلنے والے پہلے ممالک میں شامل کروانے اور دوبارہ معمول پر لانے کے قومی اور کمیونٹی کے مقصد کو حاصل کرنے کے لیے مل کر کام کیا ہے۔

 ملک کے شعبوں نے کورونا وائرس کے ممکنہ اثرات پر قابو پانے کے لیے مناسب منصوبے اور حکمت عملی ترتیب دے کر چیلنجوں سے نمٹنے کے لیے اپنی لچک اور تیاری کو بھی ثابت کیا ہے۔

ایک حالیہ ترقیاتی رپورٹ کے مطابق ، پندرہ قومی کمیونٹی اتھارٹیز نے اسٹریٹجک ہدف کے حصے کے طور پر 65 اقدامات شروع کیے جس کا عنوان ہے "کوویڈ19 کے متعدد اثرات سے بحالی میں کمیونٹی کی لچک کو مضبوط بنانا۔"

انہوں نے مزید کہا کہ ہم نے یہ نتیجہ اخذ کیا ہے کہ ہم نے ملک کی بحالی کی سطح پر کمیونٹی کا اعتماد بڑھانے کے حوالے سے مثبت نتائج حاصل کیے ہیں جیسا کہ تقریبات کی بحالی کی شرح 95 فیصد، عبادت گاہوں میں مذہبی سرگرمیوں کے دوبارہ شروع ہونے کی شرح 100 فیصد ، اور ملک کی بحالی کے اقدامات پر عوامی ممبران کے اعتماد کی شرح 53 فیصد ہے۔

 انہوں نے وضاحت کرتے ہوئے کہا کہ نتائج بتاتے ہیں کہ 90 فیصد لوگ مسجدوں اور دیگر عبادت گاہوں میں بتدریج واپسی کی حمایت کرتے ہیں ، 79 فیصد ملازمین کی کام کی جگہوں پر مکمل واپسی کی تائید کرتے ہیں اور 73 فیصد افراد طلباء کی سکولوں میں واپسی کی حمایت کرتے ہیں۔

انہوں نے بتایا کہ اگست 2021 میں کمیونٹی ممبروں میں امید کی سطح 94 فیصد تک پہنچ گئی ہے جبکہ اپریل 2020 میں یہ 34 فیصد تھی اور اگست 2021 میں کمیونٹی ممبروں میں انسداد کوویڈ19 اقدامات دے متعلق اعتماد کی سطح 95 فیصد تک پہنچ گئی ہے۔

 انہوں نے وزارت کمیونٹی ڈویلپمنٹ کی کچھ کامیابیوں کا بھی ذکر کیا جس میں منتخب گروپ کی ترجیحی اقسام پر زور دیا گیا خاص طور پر بزرگ شہری ، عزم کے لوگ ، بچے اور طلباء۔ 

وزارت صحت و روک تھام کے تعاون سے اسکولوں کو دوبارہ شروع کرنے کی کوششوں کی حمایت میں وزارت کمیونٹی ڈویلپمنٹ کے اجمان کسٹمر ہیپی نیشن سنٹر میں طلباء ، بزرگ شہریوں اور عزم کے لوگوں کے لیے ایک کوویڈ19 ویکسینیشن سنٹر کا افتتاح کیا گیا۔ 

 انہوں نے مزید کہا کہ سمر کمیونٹی پلیٹ فارم کی سرگرمیوں اور اقدامات کا دوسرا ایڈیشن اگست کے آخر میں اختتام پذیر ہوا جس نے 14،031 شرکاء کو اپنی طرف متوجہ کیا جن میں بچے ، نوجوان ، والدین ، ​​بزرگ شہری ، عزم کے لوگ اور طلباء سمیت تمام کمیونٹی طبقات شامل تھے۔