بورس جانسن حکومت نے بدھ کی رات متحدہ عرب امارات، بھارت، بحرین اور قطر کو ان ممالک کی 'ریڈ لسٹ' سے نکال دیا جہاں سے سفر پر پابندی ہے- اس کے بجائے ان ممالک کو 'ایمبر لسٹ' میں شامل کر دیا گیا ہے جس کا مطلب ہے کہ ان ممالک کے مسافروں کو اتوار (8 اگست) سے برطانیہ داخلے کی اجازت دے دی جائے گی۔

مسافروں کو سفر سے تین دن پہلے کوویڈ-19 ٹیسٹ لینا ہوگا، بک کرنا ہوگا اور انگلینڈ پہنچنے کے بعد لئے جانے والے کوویڈ-19 ٹیسٹوں کے لئے ادائیگی کرنی ہوگی اور مسافر لوکیٹر فارم مکمل کرنا ہوگا۔ انگلینڈ پہنچنے پر مسافروں کو گھر پر یا اس جگہ قرنطینہ کرنا ہوگا جہاں وہ 10 دن قیام کریں گے، اور دوسرے دن یا اس سے پہلے اور اپنی آمد کے آٹھویں دن یا اس کے بعد ٹیسٹ لیں گے۔

فروری سے اب تک صرف برطانوی شہریوں اور مستقل رہائش کے حامل افراد جو 'ریڈ لسٹ' میں شامل کسی ملک سے برطانیہ پہنچتے ہیں، قانون کے مطابق 10 دن کے لئے ایک منتظم قرنطینہ سہولت میں قیام بک کرنا ضروری ہے۔ اکیلے بالغ مسافروں کے لئے قرنطینہ قیمت 12 اگست سے £1,750 (8290 درھم) سے بڑھ کر £2,285 (11,660 درھم) اور دوسرے بالغ کے لئے £1,430 (7,297 درھم) ہو جائے گی۔

خلیج ٹائمز (Khaleej Times)