ووہان یونیورسٹی میں چینی سائنسدانوں نے نیوکوو کے نام سے کورونا وائرس دریافت کیا ہے جس کی شرح اموات اور منتقلی کی شرح بہت زیادہ ہے۔

 مطالعات سے پتہ چلا ہے کہ یہ جنوبی افریقہ میں چمگادڑوں کے ذریعے پھیل رہا ہے۔ 

 نیوکوو کیا ہے؟ 

 یہ وائرس مڈل ایسٹ ریسپائریٹری سنڈروم سے جڑا ہوا ہے۔متاثرہ تین میں سے ایک شخص نیوکوو سے مر سکتا ہے۔ یہ وائرس سب سے پہلے چمگادڑوں کی آبادی میں پایا گیا تھا اور یہ جانوروں میں پھیلنے کے لحقظ سے جانا جاتا ہے۔

 کیا نیوکوو نیا ہے؟ 

نہیں، ابتدائی طور پر، یہ مشرق وسطیٰ کے ممالک میں 2012 اور 2015 میں دریافت ہوا تھا۔ یہ انسانوں میں کورونا وائرس سے حیرت انگیز مماثلت رکھتا ہے۔ 

 'خطرہ منڈلا رہا ہے'

 یہ وائرس مبینہ طور پر انسانوں کے لیے ایک بڑا خطرہ بن سکتا ہے۔ تاہم، ڈاکٹروں کا مشورہ ہے کہ نیوکوو سے گھبرائیں نہیں۔

 ورلڈ ہیلتھ آرگنائزیشن (ڈبلیو ایچ او) نےاس سوال پر کہ کیا نیوکوو انسانوں کے لیے خطرہ ہے، پر کہا ہے کہ اس لحاظ سے مزید مطالعہ کی ضرورت ہے۔

صحت ادارے نے روس کی ٹاس نیوز ایجنسی کو بتایا کہ کیا مطالعہ میں پائے جانے والے وائرس سے انسانوں کے لیے خطرہ لاحق ہوگا، اس سوال کے جواب کے لئے مزید مطالعہ کی ضرورت ہوگی۔