ابوظہبی کو متحدہ عرب امارات کی وزارت صحت و روک تھام سے ہنگامی استعمال کی اجازت حاصل کرنے کے بعد آسٹرا زنیکا کی ایووشیلڈ اینٹی باڈی ادویات کی پہلی عالمی کھیپ موصول ہوئی ہے۔ اس اینٹی باڈی دوا کو امیونوکمپرومائزڈ مریضوں میں شدید انفیکشن اور موت کو روکنے کے لیے ڈیزائن کیا گیا ہے۔ 

یہ دوا موجودہ کوویڈ19 ادویات کے علاوہ ہے جو ابوظہبی اور متحدہ عرب امارات میں پہلے سے دستیاب ہیں۔

 ایوشیلڈ کی پہلی خوراک محکمہ صحت - ابوظہبی کی قیادت اور ریفڈ آرگنائزیشن کی شراکت کے ساتھ اتحاد کارگو کے زریعے 20 دسمبر 2021 کو ابوظہبی پہنچی ہے۔

 ان دوائیوں کو ریفڈ کے ڈسٹری بیوشن سنٹر میں ذخیرہ کیا جائے گا جو خطے کی سب سے بڑی کولڈ چین اسٹوریج کی سہولت ہے اور پھر وہاں سے مختلف مقامات پر تقسیم کی جائے گی۔

 یہ تعاون ابوظہبی کی لائف سائنس ہب کے طور پر عالمی پوزیشننگ پر توجہ مرکوز کرنے کی کوششوں کی عکاسی کرتا ہے۔ 

 لندن میں قائم ڈیپ نالج گروپ کی طرف سے جاری کردہ 50 سرکردہ عالمی شہروں کی فہرست میں ابوظہبی کوویڈ19 کے بارے میں اپنے ردعمل کے لیے عالمی درجہ بندی میں سرفہرست ہے۔ 

 اس موقع پر، محکمہ صحت کے انڈر سیکریٹری ڈاکٹر جمال محمد الکعبی نے کہا ہے کہ اپنی دانشمندانہ قیادت کی ہدایت کے مطابق، ہم متحدہ عرب امارات میں جدید علاج اور پیش رفت کے حل لانے کے لیے مسلسل کام کر رہے ہیں۔ ہمارا تعاون معروف عالمی تنظیمیں ابوظہبی کے لیے ایک اہم سنگ میل ہے۔

ریفڈ کے سی ای او، راشد القبیسی نے کہا کہ ہمیں معروف عالمی دوا ساز اداروں کے ساتھ تعاون کرنے پر فخر ہے جو ہماری قوم کو اس نئی پیش رفت کی دوائیوں کی فراہمی میں تعاون کرتے ہیں۔  متحدہ عرب امارات اور ممکنہ طور پر مشرق وسطی اور افریقہ میں ہموار تقسیم کو یقینی بنانے کے لیے ریفڈ اہم کردار ادا کر رہا ہے۔

 سینئر نائب صدر سیلز اور کارگو، اتحاد ایوی ایشن گروپ مارٹن ڈریو نے کہا کہ اتحاد کارگو کو فخر ہے کہ اس نے اپنے ماہر فارما لائف لاجسٹکس حل کے ساتھ پہلی ایوشیلڈ ڈیلیوری کی نقل و حمل میں سہولت فراہم کرنے کے لیے اپنا لازمی کردار ادا کیا ہے۔

 دریں اثنا، ابوظہبی ایئرپورٹس کمپنی کے جنرل مینیجر محمد حسین نے مزید کہا کہ ہمیں اس شراکت داری میں حصہ لینے اور متحدہ عرب امارات میں جدید ادویات لانے میں تعاون کرنے پر فخر ہے۔ ابوظہبی میں مختلف شراکت داروں کے ساتھ تعاون کرنا ہمیشہ ہمارے لئے خوشی کی بات ہے۔