چونکہ دنیا بھر کے ممالک نے اومیکرون کے بعد سفری قواعد و ضوابط کو اپ ڈیٹ کیا ہے تو ایمریٹس ایئرلائن نے بھی مسافروں کے لیے مفت کوویڈ19 میڈیکل ٹریول انشورنس کو دوبارہ متعارف کرایا ہے۔ 

 دبئی ایئر لائن کے زریعے بکنگ کروانے والے مسافر مارچ کے آخر سے پہلے بک کی گئی اور روانہ ہونے والی ایمریٹس کی کسی بھی پرواز پر بکنگ کرتے وقت نئے کوویڈ19 میڈیکل ٹریول انشورنس سے فائدہ اٹھا سکتے ہیں۔

 نئی پالیسی ایمریٹس کے ملٹی رسک ٹریول انشورنس کور کی جگہ لے گی جو اصل میں جولائی 2020 میں متعارف کرائی گئی تھی،جبکہ ایمریٹس ایئر لائن دنیا کی پہلی کمپنی بن گئی تھی جس نے مسافروں کو کوویڈ19 سے متعلقہ اخراجات کے لیے تحفظ فراہم کیا تھا۔ 

 پچھلے مہینے، ایئر لائن نے دی نیشنل کو تصدیق کی تھی کہ 30 نومبر کے بعد پروازوں کی بکنگ کرنے والے مسافروں کو یہ طبی سہولت نہیں دی جائے گی۔ 

 ایئر لائن کے ترجمان نے نومبر میں دی نیشنل کو بتایا کہ یہ ہمارا منصوبہ ہے کہ ہم اپنے صارفین کو کوویڈ19 سے متعلقہ طبی سفری انشورنس فراہم کرتے رہیں۔

ایئر لائن کی نئی کوویڈ19 انشورنس پالیسی عالمی وبائی بیماری کے ابتدائی دنوں میں ایئر لائن کی طرف سے پیش کردہ اصل کور سے بہت زیادہ مختلف دکھائی نہیں دیتی ہے۔ ایمریٹس نیٹ ورک پر کسی بھی منزل کا سفر کرنے والے مسافر اپنے سفر کے دوران کوویڈ19 کا شکار ہونے کی صورت میں 175,000 ڈالر تک کے طبی اخراجات کو پورا کرنے کے لیے اس پالیسی کا استعمال کر سکتے ہیں۔ اس سے پہلے، یہ پالیسی طبی اور ہسپتال کے اخراجات کے لیے فی شخص 169,000 ڈالر تک کا احاطہ کرتی تھی۔ 

 اگر مسافروں کو بیرون ملک مقیم ہونے کے دوران قرنطینہ کرنے کی ضرورت ہے، تو وہ نئے منصوبے کے تحت 14 دن تک فی شخص فی دن 115 ڈالر تک کا حاصل کر سکتے ہیں۔ 

 انشورنس پالیسی اتنی ہی مدت کے لیے چلے گی جیسا کہ پہلے تھی۔ مسافروں کی ایمریٹس کے ساتھ پہلی پرواز کی تاریخ سے 31 دن تک یہ انشورنس حاصل ہو گی۔ بیمہ استعمال کرنے کے اہل ہونے کے لیے مسافروں کو 31 مارچ سے پہلے کسی بھی بکنگ میں پہلا سفر کرنا چاہیے۔ 

 تمام پروازوں کی بکنگ میں انشورنس خود بخود شامل ہے لیکن اگر کوئی مسافر سفر کے دوران کوویڈ19 کا شکار ہوتا ہے تو اسے انشورنس کا دعویٰ کرنے کے لیے درست اے آئی جی نمائندے سے رابطہ کرنا ہو گا۔ 

 اتحاد ایئرویز بھی اسی طرح کی پالیسی پیش کرتا ہے۔ ایمریٹس ایئر لائن کی یہ کوویڈ19 کور پالیسی مارچ 2022 کے آخر تک سفر کے لیے بک کیے گئے ہر ٹکٹ کے ساتھ شامل ہے۔