متحدہ عرب امارات کی سرکاری ویکسین رجسٹری موبائل ایپ الہوسن ویکسین حاصل کرنے والوں کے لیے ویکسین کی تفصیلات خود بخود ریکارڈ کرتی ہے۔ اگر آپ کو ملک سے باہر ویکسین لگائی گئی ہے تو آپ اس ویکسین کا اندراج بھی الہوسن ایپ پر کر سکتے ہیں کیونکہ ابوظہبی میں بہت سے عوامی مقامات پہ جانے کے لئے یہ ضروری ہے۔

 ابوظہبی پبلک ہیلتھ سینٹر نے رہائشیوں پر زور دیا ہے کہ وہ الہوسن پر ویکسینیشن کی تمام تفصیلات درج کریں۔ 

 طریقہ کار 

 منظور شدہ ویکسین: متحدہ عرب امارات سے باہر موصول ہونے والی کوویڈ19 ویکسینیشن کو رجسٹر کرنے کے لیے سب سے پہلے اس بات کو یقینی بنائیں کہ آپ کو لگائی گئی ویکسین متحدہ عرب امارات کی وزارت صحت و روک تھام اور عالمی ادارہ صحت کی جانب سے منظور شدہ کوویڈ19 ویکسین کی لسٹ میں شامل ہے۔ 

منظور شدہ ویکسین کی لسٹ درج ذیل شامل ہیں: فائزر، سائنوفارم، حیات ویکس، سپوٹنک، آسٹرا زنیکا، موڈرنا، کووی شیلڈ، جانسن اور سائنو ویک۔ ویکسینیشن کا 1 اکتوبر 2020 کے بعد لگوانا بھی لازمی ہے۔ 

 مطلوبہ تفصیلات: پیش کردہ ویکسینیشن سرٹیفکیٹ میں ویکسین وصول کنندہ کا نام، ویکسین وصول کنندہ کا شناختی کارڈ نمبر، ویکسین کا نام، بیچ یا لاٹ نمبر، ویکسینیشن ملک کے نام کے ساتھ ویکسینیشن کی تاریخ اور جگہ سمیت دیگر لازمی معلومات درج ہونی چاہیے

 اجازت: طبی تشخیص کے لیے ابوظہبی میں ایک مجاز طبی مرکز پر جائیں۔ اس میں کوئی بھی ابوظہبی ہیلتھ سروسز کمپنی (سیہا) کلینک، یا مبادلہ ہیلتھ کیئر سہولت شامل ہو سکتی ہے۔ ویکسینیشن کا اندراج کروانے کے لیے مرکز کی طرف سے صحت حکام کو الہوسن ایپ میں اندراج کے لئے رپورٹ پیش کی جائے گی۔ 

 اس کے بعد کیا؟ 

 ویکسینیشن رجسٹر ہونے کے بعد، آپ کی ایپ کلر کوڈڈ اسٹیٹس دکھائے گی۔ گرین پاس یا گرین سٹیٹس ابوظہبی میں عوامی مقامات تک رسائی کے لیے استعمال کیا جا سکتا ہے۔ 

اگر اسٹیٹس گرے ہو جاتا ہے، تو اس کا مطلب ہے کہ آپ کے گرین پاس کی میعاد ختم ہو گئی ہے۔ اپنا گرین پاس دوبارہ شروع کرنے کے لیے آپ کو کوویڈ19 پی سی آر ٹیسٹ کروانے اور منفی نتیجہ حاصل کرنے کی ضرورت ہوگی۔ 

 اگر الہوسن کا درجہ سرخ ہے، تو یہ اس کا مطلب ہے کہ صارف نے کوویڈ19 کے لیے مثبت تجربہ کیا ہے۔ اس کے بعد صارف کو قرنطینہ اور ٹیسٹنگ کے حوالے سے محکمہ صحت کی طرف سے جاری کردہ ہدایات پر عمل کرنا ہو گا۔ ۔۔۔

 الہوسن ایپ استعمال کرنے میں کسی بھی مسئلے کے حل کے لئے رہائشی (800 4676) پر رابطہ کر سکتے ہیں۔