کوویڈ19 کی وجہ سے پیدا بحران کی وجہ سے آج پیر کو تیل کی قیمتیں سالوں میں اپنی بلند ترین سطح پر پہنچ گئی ہیں۔ بجلی پیدا کرنے والوں کی جانب سے مہنگی گیس اور کوئلے سے ایندھن کے تیل اور ڈیزل کا رواج بڑھ گیا ہے۔

 برینٹ خام تیل کی قیمت بڑھ کر 85.73 ڈالر فی بیرل ہوگئی ہے جو اکتوبر 2018 کے بعد سے اب تک کی سب سے زیادہ قیمت ہے۔

امریکی خام تیل ڈبلیو ٹی آئی کی قیمت بھی ایک فیصد اضافے کے بعد 83.40 ڈالر فی بیرل تک پہنچ گئی ہے جو کہ اکتوبر 2014 کے بعد سے سب سے زیادہ ہے۔

 دونوں معاہدوں میں پچھلے ہفتے کم از کم 3 فیصد اضافہ ہوا ہے۔ 

 اے این زیڈ بینک کے تجزیہ کاروں نے پیر کو ایک نوٹ میں کہا ہے کہ دنیا بھر میں پابندیوں میں نرمی سے ایندھن کی کھپت میں بحالی میں مدد ملے گی۔

جیٹ فیول مارکیٹ نے اس خبر پر خوشی کا اظہار کیا ہے کہ امریکہ اپنی سرحدیں اگلے مہینے ویکسین شدہ غیر ملکی مسافروں کے لیے کھول دے گا۔

 انہوں نے مزید کہا کہ صرف بجلی کی پیداوار کے لیے گیس سے تیل کی سوئچنگ چوتھی سہ ماہی میں 450،000 بیرل یومیہ کی مانگ کو بڑھا سکتی ہے۔ 

انرجی سروسز فرم بیکر ہیوز کمپنی نے گزشتہ ہفتے کہا ہے کہ امریکی تیل اور گیس رِگ کی گنتی ، جو مستقبل کی پیداوار کا ابتدائی اشارہ ہے ، ہفتے میں 15 اکتوبر تک؛ 10 سے 543 تک بڑھ گئی ہے جو اپریل 2020 کے بعد سب سے زیادہ ہے۔

 دریں اثنا ، چین کی معیشت ممکنہ طور پر تیسری سہ ماہی میں ایک سال میں سب سے سست رفتار سے بڑھی ہے جو بجلی کی قلت ، رسد کی رکاوٹوں اور کوویڈ19 سے متاثر ہوئی ہے۔

 دنیا کے دوسرے سب سے بڑے تیل کے صارف نے 2021 کے لیے آزاد ریفائنرز کے لیے تیل کی درآمد کے کوٹے کی ایک نئی کھیپ جاری کی جس سے ظاہر ہوتا ہے کہ کل سالانہ الاؤنسز پچھلے سال کے مقابلے میں کم تھے۔