کوویڈ19 اور دیگر بیماریوں کے خلاف جنگ میں مدد کے لئے شارجہ میں کورونا وائرس اور دیگر نقصان دہ مائکروجنزموں کے تجزیے اور تحقیقات کے لیے ایک نئی 24/7 لیب کا آغاز کر دیا گیا ہے۔

 الزہیہ کے علاقے شیخ محمد بن زاید اسپیشلائزڈ فیلڈ ہسپتال میں شارجہ سنٹرل لیبارٹری کو کا ہی میں شارجہ پولیس کے کمانڈر انچیف اور مقامی ایمرجنسی مینجمنٹ ٹیم کے سربراہ میجر جنرل سیف الزری الشمسی نے باضابطہ طور پر افتتاح کیا ہے۔

 نئی لیب کی افتتاحی تقریب میں کئی اعلیٰ حکام نے شرکت کی۔ 

 ہر قسم کا تجزیہ

 چوبیس گھنٹے کھلی رہنے والی یہ لیبارٹری جو پی سی آر ٹیسٹ کرنے میں مہارت رکھتی ہے ، شارجہ اور شمالی امارات میں کورونا وائرس سے متعلقہ تحقیقات کے لیے ایک اہم اضافہ ہے۔ لیب کی خدمات ہر قسم کے کلینیکل ، بیکٹیریل اور حیاتیاتی تجزیے کا بھی احاطہ کرتی ہیں۔

 میجر جنرل الشمسی نے کہا ہے کہ لیب اعلی معیار کے معیارات کے مطابق اعلی درجے کی خصوصیات رکھتی ہے جس کا مقصد شہریوں اور رہائشیوں کی صحت کو یقینی بنانا ہے جو کہ متحدہ عرب امارات کی دانشمند قیادت کی ہدایات کے مطابق اولین ترجیح ہے۔

 انہوں نے تمو ہیلتھ کیئر کے ساتھ شراکت داری اور لیب کی تکمیل پر کام کرنے والی ٹیم کی کوششوں کی تعریف کی۔

 یہ افتتاح ابوظہبی کے ولی عہد اور مسلح افواج کے ڈپٹی سپریم کمانڈر شیخ محمد بن زید النہیان اور قومی سلامتی کے مشیر شیخ تہنون بن زید النہیان کی ہدایات پر کیا گیا ہے۔