ابوظہبی شعبہ تعلیم و علم (اڈیک) نے محکمہ صحت ابوظہبی کے اشتراک سے طلباء ، اساتذہ اور اسکول کے عملے کو امارات سکولوں میں ہی میںتربیت یافتہ طبی عملے کے زیر انتظام کوویڈ19 پی سی آر ٹیسٹ فراہم کرنے کے لیے نئے اقدام کا اعلان کیا ہے۔ 

 یہ اقدام نیشنل ایمرجنسی کرائسز اینڈ ڈیزاسٹر مینجمنٹ اتھارٹی (این سی ای ایم اے) کی جانب سے معمول کے پی سی آر ٹیسٹوں کے حالیہ اعلان کے بعد کیا گیا ہے۔ 

امارات کے اسکولوں میں منظم پی سی آر ٹیسٹنگ کا مقصد والدین ، ​​طلباء ، اساتذہ اور عملے کی سہولت میں اضافہ کرنا ہے جنہیں اب بیرونی ٹیسٹنگ سینٹرز کا دورہ کرنے کی ضرورت نہیں ہوگی۔ پی سی آر ٹیسٹ پروگرام سے طلباء اور اساتذہ پر ممکنہ طور پر بوجھ کم ہو گا جس سے تدریسی عمل کا تسلسل زیادہ موثر انداز سے جاری کرے گا۔

 ڈی او ایچ کے انڈر سیکرٹری ڈاکٹر جمال محمد الکابی نے کہا ہے کہ ابوظہبی کی کورونا وائرس سے نمٹنے کے لیے کوششیں ہماری کمیونٹی کی صحت اور حفاظت کے لیے اہم تھیں۔ انہوں نے اس کے علاوہ طلباء کے لیے سکولوں میں محفوظ واپسی کی سہولت فراہم کرنے کو بھی سراہا۔

اڈیک انڈر سیکٹری امیر الحمادی نے کہا کہ اڈیک طلباء اور اساتذہ دونوں کے لئے ایک صحت مند اور محفوظ ماحول فراہم کرنے میں کامیاب رہا ہے۔ اب طلباء اپنے تعلیمی سفر میں بغیر کسی رکاوٹ کے تعلیم حاصل کرنے کے قابل ہیں۔ امارات بھر میں فزیکل اسکول واپس آنے والے طلباء کی تعداد زیادہ ہے۔ طلباء ، اساتذہ اور عملے کی حفاظت ہماری اولین ترجیح ہے۔ ہم تمام نجی اور پبلک سٹیک ہولڈرز کے ساتھ مل کر صحت اور حفاظت کے سخت معیارات کو نافذ کرنے کے لیے کام جاری ہوئے ہیں۔

 اسکولوں اور اسٹیک ہولڈرز کے ساتھ قریبی مشاورت کے ذریعے ، ہم نے والدین اور طلباء پر دباؤ کو کم کرنے کے لیے ایک مضبوط پی سی آر ٹیسٹنگ ماڈل کی ضرورت کی نشاندہی کی ہے۔ ماڈل آپریشنل استعداد کار کو بہتر بنائے گا اور طلباء اور اساتذہ کو ٹیسٹ کے شیڈول تک رسائی کے قابل بنائے گا۔ این سی ای ایم اے کے حالیہ اعلان کے مطابق ، اس تعلیمی سال کے دوران تمام اسکول کے طلباء کو معمول کے کوویڈ19 پی سی آر ٹیسٹ کروانے ہوں گے جس میں ٹیسٹ کی فریکوئنسی عمر اور ویکسینیشن کی حیثیت دونوں کی تفصیل ہو گی۔

تمام اسکول ٹیسٹنگ شیڈول کے بارے میں والدین کو آگاہ کرنے کے ذمہ دار ہوں گے۔