ایکسٹرنل تھراپیوٹک سروسز کی ایگزیکٹو ڈائریکٹر ڈاکٹر نورا الغیتھی نے بتایا کہ صحت کا شعبہ اہل افراد کو ویکسین فراہم کرنے کی کوششیں جاری رکھے ہوئے ہے، اور ملک کی 79.3 فیصد آبادی نے پہلی خوراک حاصل کر لی ہے جبکہ 70.96 فیصد نے دونوں خوراکیں حاصل کی ہیں۔ انہوں نے بتایا کہ ویکسین نے انفیکشن اور شدید پیچیدگیوں کو روکنے میں مدد کی ہے اور ویکسین لگوانے والوں کے لئے اسپتال میں داخل ہونے کی شرح ویکسین نہ لگوانے والوں کے مقابلے میں کم ہے۔

مطالعات سے سوٹروویماب کی کامیابی ثابت ہوئی ہے جو 97 فیصد اور آئی سی یو میں 99.5 فیصد تک موت کی پیچیدگیوں کو روکتی ہے، 99 فیصد مریضوں نے دوا لینے کے بعد 14 دن کے اندر مکمل صحت یابی حاصل کر لی اور اسپتالوں میں داخلے کی شرح کو 20 فیصد کم کیا۔ ڈاکٹر نورا نے اس بات کی تصدیق کی کہ متحدہ عرب امارات میں 13,000 افراد نے یہ دوا لی ہے۔ جو ملک بھر میں دستیاب ہے اور 12 سال سے زیادہ عمر کے بالغوں اور بچوں کے علاج کے لئے استعمال کی جا سکتی ہے۔

انہوں نے مزید کہا کہ ہم کوویڈ-19 سے متعلق پروٹوکول پر عمل کرنے اور فوری علاج کو یقینی بنانے کے لئے جلد از جلد صحت حکام سے رابطہ کرنے کی اہمیت پر بھی زور دیتے ہیں جس سے صحت یابی کی رفتار میں تیزی آئے گی۔ اس کے بعد انہوں نے مسافروں پر زور دیا کہ وہ سفر سے قبل جس ملک میں جانا چاہتے ہیں اس کی صحت کی صورتحال جانچیں، اپنے سفر سے قبل کوویڈ-19 ویکسین کی دونوں خوراکیں لیں، بین الاقوامی میڈیکل انشورنس خریدیں، وزارت کی "توجودی" سروس میں اندراج کریں اور متعلقہ احتیاطی تدابیر مثلاً چہرے کا ماسک پہنیں، سماجی فاصلہ برقرار رکھیں اور ہاتھوں کو کثرت سے سینیٹائز کریں یا دھوئیں.

انہوں نے مزید ہدایت کی کہ اگر کسی اماراتی مسافر کا کورونا وائرس کا ٹیسٹ مثبت آتا ہے تو انہیں علاج کے اخراجات پورے کرنے کے لئے بیرون ملک کے سفارتی مشنوں، ان کی میڈیکل انشورنس کمپنی یا ان کی ایئر لائن سے رابطہ کرنا ہوگا، انہوں نے اس بات پر زور دیا کہ آنے والے عرصے میں کمیونٹی کا کردار اتنا ہی اہم ہے جتنا کہ اس وباء سے نمٹنے میں متعلقہ حکام کا کردار ہے۔

اماراتی نیوز ایجنسی (ڈبلیو اے ایم)