ایک اعلیٰ عہدیدار نے ہدایت کی ہے کہ متحدہ عرب امارات کے رہائشی جو بیرون ملک سفر کر رہے ہیں انہیں ماسک پہننا چاہئے اور محفوظ سماجی فاصلہ برقرار رکھنا چاہیے، چاہے ان کی منزل کے ملک میں کوویڈ سے متعلق قوانین میں نرمی ہی کیوں نہ ہو۔ نیشنل ایمرجنسی کرائسس اینڈ ڈیزاسٹر مینجمنٹ اتھارٹی (این سی ای ایم اے) کے ترجمان ڈاکٹر طاہر العمیری نے منگل کو کہا کہ مسافروں کو کوویڈ کے تمام متعلقہ حفاظتی قواعد پر عمل کرنا چاہئے۔ مسافروں کو اپنی منزل کے ممالک میں کوویڈ کی صورتحال سے آگاہ ہونا چاہئے اور تمام متعلقہ حفاظتی اقدامات کرنے چاہئے ہیں۔ ان کے پاس ایک انشورنس پالیسی بھی ہونی چاہئے جو کوویڈ-19 کے علاج کا احاطہ کرے۔

ڈاکٹر تاہر نے کہا کہ متحدہ عرب امارات کوویڈ-19 وباء کے دوران دنیا کے محفوظ ترین سیاحتی مقامات میں سے ایک ہے۔ انہوں نے کہا کہ ملک میں سیاحت کی پیشکشوں کی مانگ میں اضافہ دیکھنے میں آیا ہے۔ عہدیدار نے مزید کہا کہ اس کی بڑی وجہ ملک میں موجود کوویڈ حفاظتی اقدامات ہیں۔ انہوں نے کہا کہ یہ اقدامات اس بات کو یقینی بناتے ہیں کہ سیاح محفوظ ماحول میں کچھ معیاری وقت گزار سکیں۔

اس سے قبل ایمریٹس اور اتحاد دونوں نے کہا تھا کہ وہ مصروف سفری موسم کی تیاری کر رہے ہیں۔ دبئی نیشنل ایئر ٹریول ایجنسی کے مطابق جون، جولائی اور اگست کے مہینوں کے دوران وہ دنیا بھر سے دبئی جانے والی 6300 پروازوں کو سنبھالیں گے۔