پیر کو اعلان کیا گیا کہ شارجہ کی بڑی مساجد میں خواتین کے نماز ہالوں کو نماز جمعہ کے لئے مردوں کے لئے استعمال کیا جائے گا۔ اگرچہ مساجد دوبارہ کھل گئی ہیں لیکن خواتین کے نماز ہال بند ہیں۔ مساجد میں جمعہ کی نماز کا رش کم کرنے کے لئے یہ فیصلہ کیا گیا ہے۔ "

اس سے مساجد میں بھیڑ کو کم کیا جائے گا اور نمازیوں کو کوویڈ19 کے درمیان جمعہ کی نماز پڑھنا آسان ہوجائے گا۔

یہ اعلان محکمہ امور اسلامیہ نے سوشل میڈیا پر کیا۔ انہوں نے بتایا کہ یہ فیصلہ جمعہ ، 26 مارچ سے نافذ ہے۔ یاد رہے کہ کوویڈ19 کے پھیلاؤ کے خلاف احتیاطی اقدام کے طور پر گذشتہ سال مارچ میں مساجد کو پہلی بار بند کردیا گیا تھا۔ اس کے بعد جولائی میں پانچ وقتہ نماز کے لئے دوبارہ مساجد کھولی گئیں لیکن جمعہ کی نماز معطل رہی۔ جمعہ کی نماز 4 دسمبر کو دوبارہ شروع ہوئی۔