محکمہ صحت- ابوظہبی گلاکسو سمتھ کلائن کے ساتھ مل کر کوویڈ19 دوا سوٹروویماب کی تاثیر پر تحقیق کرے گا اور اسے بین الاقوامی طبی برادری کے ساتھ شیئر کرے گا جس سے امارات کی طبی تحقیق کی عالمی پوزیشن میں اضافہ ہوگا۔ 

محکمہ صحت- ابوظہبی اور گلاکسو سمتھ کلائن نے اپنی تحقیق اور سوٹروویماب کوویڈ19 دوا کے استعمال کو بڑھایا ہے جس سے ابوظہبی میں کوویڈ19 کو کم کرنے اور علاقائی لائف سائنسز کے مرکز کے طور پر پوزیشن کو تقویت ملی ہے۔ 

 ابوظہبی عالمی سطح پر پہلا دائرہ اختیار ہے جس نے 23 ہزار سے زیادہ شدید خطرے والے کوویڈ19 مریضوں کے علاج کے بعد کوویڈ19 کے مریضوں میں سوٹروویماب کے استعمال پر حقیقی دنیا کے شواہد کا اشتراک کیا ہے۔

 ابوظہبی عالمی سطح پر پہلا دارلحکومت ہے جس نے جون میں سوٹروویماب دوا حاصل کی۔ نتائج سے معلوم ہوا ہے کہ انسداد کوویڈ19 دوائیوں کی وجہ سے متحدہ عرب امارات کے 97.3 فیصد وصول کنندگان صحت یاب ہو گئے ہیں جن کا 5 سے 7 دنوں میں علاج کیا گیا ہے۔ 

 مشترکہ اہداف ایک اعلامیہ کے زریعے جاری کئے گئے ہیں جس پر ابوظہبی شعبہ صحت کے انڈر سیکرٹری ڈاکٹر جمال محمد الکعبی اور گلاکسو سمتھ کلائن گروتھ ایمرجنگ مارکیٹس کے سینئر نائب صدر جیمز گرین ہالگ نے دستخط کیے تھے۔

 اس سال کے شروع میں، محکمہ صحت- ابوظہبی اور گلاکسو سمتھ کلائن کے تعاون سے، مقامی صحت کی دیکھ بھال کے شعبے کے لیے جدید کوویڈ19 ادویات اور سوٹروویماب کو حاصل کیا گیا ہے۔

وبائی مرض کورونا وائرس کے آغاز کے بعد سے ، ابوظہبی نے معروف علاقائی اور بین الاقوامی دوا ساز کمپنیوں کے ساتھ تعاون اور جدت پر مبنی ایک مؤثر انسانی مرکز ردعمل کی قیادت کی ہے۔

 حال ہی میں دستخط شدہ معاہدے کا مقصد حقیقی دنیا کے شواہد تیار کرنا اور ریگولیٹری فیصلہ سازی اور کلینیکل ٹرائلز کی حمایت میں سوٹروویماب سے متعلق لاجسٹک عمل کو فائدہ پہنچانا ہے۔ 

مزید برآں، امارات اس عرصے کے دوران سیکھے گئے اسباق کو دوسروں تک پہنچانے اور ابوظہبی کی انسانی ہمدردی کی کوششوں کے ایک حصے کے طور پر، سوٹروویماب کو عطیہ کرکے بین الاقوامی ہیلتھ کئیر کمیونٹی میں اپنا حصہ ڈالے گا۔ 

ڈاکٹر جمال محمد الکعبی نے کہا ہے کہ پبلک اور پرائیویٹ دونوں شعبوں نے گزشتہ چند سالوں میں ہم آہنگی کے ساتھ کام کیا ہے اور بہت اچھے نتائج حاصل کیے ہیں جس کے نتیجے میں ابوظہبی نے عالمی سطح پر مختلف درجہ بندیوں میں اپنا مقام حاصل کیا ہے۔

گلاکسو سمتھ کلائن کی گروتھ ایمرجنگ مارکیٹس کے سینئر نائب صدر جیمز گرین ہالگ نے کہا ہے کہ ابو ظہبی میں ہیلتھ کئیر ، لائف سائنسز اور بائیو فارماسیوٹیکلز میں تیزی سے ابھرتا ہوا مرکز بننے کی بڑی صلاحیت ہے۔ کئی دہائیوں سے، گلاکسو سمتھ کلائن نے ابوظہبی کے شہریوں کی صحت اور بہبود کے لیے تعاون کیا ہے اور محکمہ صحت کے ساتھ تعاون کا ہمارا نیا اعلامیہ ہمیں اس قابل بناتا ہے کہ امارات میں اپنے لوگوں کی صحت میں مزید مدد کے لیے شراکت داری کو بڑھا سکیں۔