07 اکتوبر 2020: (جنرل رپورٹر) دبئی ہیلتھ اتھارٹی کے ڈائریکٹر جنرل حمید القطامی نے بتایا کہ کوویڈ19 کی ٹیسٹنگ کا مطالبہ اس وباء کے بارے میں کمیونٹی کے شعور اور اپنی اور دوسروں کی حفاظت کے لئے حفاظتی اقدامات پر عمل کرنے کی ان کی خواہش کی عکاسی کرتا ہے۔ انہوں نے یہ بیان جمیرہ 1 پورٹ مجلس کے دورے کے موقع پر دیا جو اتھارٹی کے ذریعہ شروع کیے گئے تین نئے اضافی تیسٹنگ مراکز میں سے ایک ہے۔

 ڈی ایچ اے نے اس سے قبل کمیونٹی ڈویلپمنٹ اتھارٹی دبئی کے تعاون سے تین نئے ٹیسٹنگ مراکز الرشیدیہ مجلس ، الحمریہ پورٹ مجلس اور جمعیرا 1 پورٹ مجلس کے آغاز کا اعلان کیا تھا۔ اس کے بعد کوویڈ19 ٹیسٹ کے لئے ڈی ایچ اے مراکز کی تعداد پانچ ہو جائے گی اور اس میں الشباب الاحلی اور النصر کلبوں کے مراکز شامل ہیں۔ 

انہوں نے مزید کہا کہ کوویڈ19 ٹیسٹ کے دائرہ کار میں توسیع اتھارٹی کی خواہش کے نتیجے میں کی جا رہی ہے تاکہ دبئی میں ہر جگہ لوگوں کے لئے ٹیسٹنگ تک رسائی کو آسانی سے یقینی بنایا جاسکے۔