دبئی کی سپریم کمیٹی آف کرائسس اینڈ ڈیزاسٹر مینجمنٹ کے چیئرمین شیخ منصور بن محمد بن راشد آل مکتوم نے ایکسپو 2020 دبئی میں منعقدہ کمیٹی کے 100 ویں اجلاس کی صدارت کی کے۔ اجلاس میں کمیٹی کے ارکان نے شرکت کی جس میں کوویڈ19 سے نمٹنے کے لیے امارات کے جامع منصوبے کے کامیاب نتائج کا جائزہ لیا۔ 

انہوں نے کہا کہ نائب صدر ، وزیر اعظم اور دبئی کے حکمران شیخ محمد بن راشد المکتوم کا وژن اور ہدایات متحدہ عرب امارات کی کورونا وائرس پر قابو پانے اور ریکارڈ وقت میں معمول کی زندگی کو دوبارہ شروع کرنے میں کلیدی حیثیت رکھتی ہیں۔ انہوں نے مختلف فرنٹ لائن ٹیموں کی طرف سے کئے جانے والے شاندار تعاون کی بھی تعریف کی۔

 شیخ منصور بن محمد نے دبئی بھر کے ان تمام لوگوں اور تنظیموں کا شکریہ ادا کیا جنہوں نے وائرس پر قابو پانے اور معمول کی زندگی کی بحالی کی کوششوں میں تعاون کیا ہے۔ انہوں نے بتایا کہ ایکسپو 2020 

 کوویڈ 19 کے آغاز کے بعد منعقد ہونے والا سب سے بڑا عالمی اجتماع ہے اور یہ امارات کے کورونا وائرس کے اثرات سے جلد صحت یاب ہونے اور محفوظ ماحول کو یقینی بنانے کی صلاحیت کا ثبوت ہے۔

 مشرق وسطیٰ ، افریقہ اور جنوبی ایشیا کے علاقے میں پہلی بار منعقد ہونے والی ایکسپو 2020 میں 192 ممالک شرکت ہوئے ہیں۔ 

 انہوں نے کہا کہ احتیاطی تدابیر پر سختی سے عمل، مختلف حکومتی اداروں کی مضبوط تیاری اور عوام کے احتیاطی تدابیر پر عمل کرنے کے جذبے نے مل کر وائرس پر قابو پایا ہے۔ انہوں نے صحت اور حفاظت کے اعلیٰ معیارات کو برقرار رکھنے کی اہمیت پر بھی زور دیا تاکہ اگلے 50 سالوں میں متحدہ عرب امارات کی ترقی کے لیے فضا ہموار کی جا سکے۔ 

ملاقات کے دوران ، شیخ منصور نے مختلف مقامی اور وفاقی اداروں کے درمیان کوویڈ19 کے خلاف جنگ میں کوآرڈینیشن کا جائزہ لیا۔ انہوں نے نیشنل ایمرجنسی کرائسز اینڈ ڈیزاسٹر مینجمنٹ اتھارٹی (این سی ای ایم اے) ، وزارت صحت و روک تھام ، دبئی ہیلتھ اتھارٹی ، اور دبئی کی سپریم کمیٹی آف کرائسس اینڈ ڈیزاسٹر مینجمنٹ کے اہم کرداروں کی تعریف کی۔ 

انہوں نے مزید کہا کہ امارات کی جامع ویکسینیشن مہم دبئی کی کوویڈ19 پر قابو پانے میں اعلی درجے کی کامیابی حاصل کرنے کی صلاحیت کی کلید بھی ہے۔ انہوں نے سرکاری اور نجی شعبوں ، دبئی ہیلتھ اتھارٹی ، اور دبئی میں طبی اداروں میں فرنٹ لائن ہیروز کے تعاون کی بھی تعریف کی۔

کمیٹی نے کئی مسائل پر بھی تبادلہ خیال کیا جن میں اگلے مرحلے میں وائرس پر قابو پانے میں دبئی کی کامیابی کو برقرار رکھنے کے طریقہ کار شامل ہیں۔ کمیٹی نے نوٹ کیا کہ انہوں ن کوویڈ19 سے جنگ میں عالمی سطح پر مثال قائم کی ہے جس سے عالمی تقریبات اور نمائشوں سمیت اقتصادی سرگرمیوں کی بحالی کی راہ ہموار ہوئی ہے۔